morning chai

usne kahaa zindagi hogi,
beshak, bepanaah khushi hogi.
aur main moorakh,
uski baaton mein aa gaya,
ya khuda teri,
is duniya mein aa gaya.

kuch naya

chaliye aaj..kuch naya..kuch hatke..kuch romaanchak sa.

raat ke andhiyaare mein,
ya fir zulfon ke saayon mein,
arth ki roushni dikhaayi di,
koi puraani pyaas sunaayi di.

shoonya tha aakaash,
khaali the haath,
raah thi chalti,
us manzil ki trishna ko.

komal haasya karuna aadi
the ateet ke kaagar
maano bhikshuk sa
dole dvaar baar jaakar

tan svatantra, man partantra,
shraap si bandhi
chitt ki gaanth

svarg-may jeevan
makhmali upwan
kyun bane tum bebaat ashvaas?

saaye se prithak
zameen se alag
shayad wohi puraani pyaas.
lautoon kaise, fir apne paas.

hai na ekdam jhakkas?

celebrity AB

AB on being a celebrity here. nice that he puts it from both his and media's pov.